General Santos City – Nagsugod na karon sa pagpangandam ang Department of Trade and Industry (DTI) ning s’yudad sa General Santos sa pagpahigayon og monitoring sa mga Christmas lights nga ginabaligya sa pipila ka mga tindahan sa dakbayan.
Matud ni Giovani Man-on, Trade and Industry Development Specialist sa DTI-Gensan nga luyo sa 95 pa l;amang ka adlaw ayha ang Pasko, apan gusto nilang masiguro nga dekalidad nga mga Christmas lights ang mapalit sa publiko ngadto sa mga tindahan sa s’yudad.
Dugang pa ni Man-on, nga apil unya sa ilang pagahimoon nga monitoring ang mga gagmayng tindahan ug tan-awon ang mga PS ug ICC mark stickers.
Himoon matud pa nila ang maong lakang aron masiguro nga luwas ang maong mga produkto ug dili mamahimong tinubdan sa sunog. (Rem Agdon)