Matud ni Naravy Duquitan, regional director sa PDEA-12 makita ang pagsaka sa ‘volume’ sa gidiling nga naimbargo sa otoridad.
“Base sa amoang assessment not only in GenSan but the whole of region-12, there is increase of supply of illegal drugs,” asoy ni Duquitan. Luyo sa pagdaghan sa suplay, pabiling mahal ang presyo sa iligal nga droga partikular na ang shabu. Asa naa sa ₱ 6,000- 8,000 ang presyo matag gramo, dugang sa opisyal.
“With regards to the decrease of price sa illegal drugs so far wala kaming reports with regards to that since mahal pa rin ang droga in the streets,” asoy ni Duquitan.
Nakita nilang posibilidad niini, mao ang pagtuo sa mga indibidwal nga lambigit sa gidiling droga nga miundang na ang gobyerno sa kampanya. Dungan sa pagkanaog sa pwesto ni kanhi Pangulong Rodrigo Duterte nga nagdala sa hugot nga kampanya batok gidiling droga.
Base sa mga dinakpan, sagad sa gidiling droga nga naa sa rehiyon-12 ang gikan sa Maguindanao. Una nang, gikonsidera sa otoridad isip ‘consuming’ region sa gidiling droga ang Soccksargen.
Gisiguro usab ni Duquitan nga padayon ang kampanya ilawom sa administrasyon ni Pangulong Ferdinand ‘Bongbong’ Marcos Jr. (Alfredo Madas Jr.)