Sarangani Province – Miarangkada na ang PRO-12 RD; Project Horse sa Sarangani Province pinaagi sa paghatud ug mga Relief Goods sa mga hilit nga lugar sa probinsya kagahapong adlawa Nobyembre 18, 2022.
Kahinumduman nga ang kabayong gigamit sa Kapulisan nga sakop sa Sarangani Police Provincial Office usa sa mga unang proyekto ni Police Brigadier General Macaraeg, Regional Director sa Police Regional Office 12 ilawom sa iyang programang Project H.O.R.S.E (Hinterland Operational Response for Services and Emergencies).
Tungod sa maong mga kabayo, paspas nga nahatud sa Sarangani PNP ang mga Grocery Packs/Food Packs sa gatusan ka mga residente nga nagpuyo sa nabukid nang bahin sa probinsiya.
Dako usab ang pagpasalamat sa residente tungod wala sila magdahum nga makadawat gilayon ug tabang gikan sa gobyerno.
Nasayran nga ang Sarangani usa sa mga apektado kaniadto sap ag-igo sa Bagyong Paeng ug niadtong Nobyembre 17 apektado usab gihapon ang pipila ka lugar sa probinsya sa nahitabong pagbundak sa ulan ug kusog nga hangin muigna sa Intertropical Converge Zone (ITCZ).
Dungan niini, gipaniguro usab ni PBGen. Macaraeg nga padayon ang ilang paglusad sa programang Project HORSE, aron paspas nga mahatag ang tinuoray nga serbisyo sa katawhan nga nanginahanglan.
(Source: PCADG 12)