General Santos City: Si Mayor Lorelie Geronimo Pacquiao personal nga nang-apod-apod og P5,000 nga hinabang pinansyal ngadto sa mga ginikanan sa 50 ka mga pasyente sa cancer sa St. Elizabeth Hospital karong adlawa, Oktubre 8, 2024. Nahimo kining maong inisyatiba tungod nila ni Mayor Lorelie ug Konsehal Bobby Pacquiao nga gihimo pinaagi sa tabang sa 1Pacman Partylist nga gipangulohan ni Cong. Mike Romero. Atubangan sa mga pasyente ug ilang pamilya, gipadayag ni Mayor Pacquiao ang padayon nga suporta sa lokal nga kagamhanan ngadto sa mga nanginahanglan. Dugang pa niya nga nagplano sila nga himuon nga quarterly sunod tuig ang pag-apod-apod sa financial assistance nga posibleng moabot og P10,000 matag pasyente. Dako ang pasalamat sa mga ginikanan sa mga pasyente, tungod kay ang P5,000 nga ilang nadawat dako kaayog ikatabang sa ilang gasto sa pagpatambal.