General Santos: Mga COVID Facility Hotel Nangil Na, LGU Seen Ra!

0
266

Nagabalik balik sa City hall ang mga personahe sa mga hotel aron mangutana sa katikaran sa ilang ginasingil nga bayad sa ilang serbisyo sa mga makwarantina nga mga Returning Overseas Workers nga ginadala sa taga LGU Gensan.

Sumala kay Jerry dili tinuod nga pangalan usa ka marketing officer sa usa ka hotel sa GensanĀ  nga pabalik-balik siya sa finance office aron singlon ang kapin tulo ka million ka pesos nga ilang serbisyo sa mga makwarantina nga ginadala sa ilang hotel.

Ang tubag nga iyahang nakuha mao nga adunay pondo apan wala pa ang bayad, dili pa sigurado kon kanus-a, mao nga nagapangita gayod daw siya og paagi kon paunsa masayod sa tinuod nga hinungdan kay sa miaging tuig nakadawat man daw sila P300,000 pesos nga bayad.

Gidugang ni Jerry nga siya ang ma-pressure sa ilang amo kay siya ang nagalakad sa mga papelis kinahanglan nila ang kwarta kay nagadugang sila sa ilang construction sa hotel aron modaku ang ilang serbisyo.

Sa bahin sa City Budget Office gikumperma ni John Quemosing nga wala pa niabot sa ilang opisina ang papelis alang sa bayad sa mga hotel karong tuiga mao nga wala silay klarong tubag sa mga nagabalik balik sa ilang opisina.

Samtang ang Sangguniang Panlungsod gipatawag ang Chief of Staff nga si Voltaire Tiu sa session ug ang tubag niini wala siya nasayod sa mao nga transaksyon si Executive Assistant III Philip Pabelic ang nasayod.

Samtang sa impormasyon nga gipaabot ni Pabelic sa RPN pinaagi sa chat dili pa siya makahatag og impormasyon kay may meeting daw sa komite kay Kagawad Vivencio Dinopol sunod semana na siya makahatag update sa bayrunon sa mga hotel.

Samtang gikumpirma sa SP secretary nga si Atty. Rosendo Roque nga ilang gi-imbetahan sa sunod session si Pabelic aron i-presenta sa konseho ang detalye sa mga bayrunon sa mga hotel aron nga makahimo og lakang ang mga konsehal kung paano mabayaran ang mga hotel nga gihimong isolation facility sa LGU Gensan.

(Source: City Budget Office | Sangguniang Panlungsod GSC)

Leave a Reply