Ibilang ni Vice Governor Cecil Araneta Marcos a natungpalen ti maysa kadagiti arapaap ti asawa na a daydi sigud a bokal Mariano “Nonong” Marcos iti pannakaaddan ti Eco Hub iti Ilocos Norte a masarakan iti Sitio Bato, Brgy. 6 Tonoton iti ili a Piddig.
Kunana a saan a linged a panangtagiben iti aglawlaw ti inpangpangruna daydi sigud a bokal nonong a maysa pay kadagiti author iti environment code ti probinsiya.
Kunana nga immuna a na-meet wenno nakasango na ni Mr. Rommel Benig, ti CEO iti Green Antz Inc. a nangiyam ammo kenkuana iti Ayala Eco hub a masarakan idiay Taguig a nangdayawan na unay gapu ta daytoy ti mangsulbar iti problema ti basura kangrunaanna iti plastics.
Daytoy ket iti pannakai-mix dagiti plastic iti semento nga agbalin a bricks a mabalin a mausar iti pannakaipatakder ti maysa a pasdek. Maragsakan ken nagyamanan met ti bise gobernador dagiti nasao a kompanya gapu iti pannaka addan ti Ilocos Norte Eco Hub iti Sitio Bato, Brgy. 6 Tonoton a napintas a lokasion ti proyekto babaen pay laeng iti tulong dagiti pribado a grupo ken iti biang ni Mayor. Eddie Guillen.
(Source: Provincial Government of Ilocos Norte)