General Santos City – Ang kapulisan ilalum sa Provincial Drug Enforcement Unit (PDEU) ug Surallah Municipal Police Station, parehong napa-ilalum sa South Cotabato Police Provincial Office (SCPPO) nagpahigayon og anti-illegal drugs buy-bust operasyon nga niresulta sa pagkasakmit sa kantidad nga P88,400.00 sa gituohang shabu ug pagkasikop sa drug suspect sa Sitio Silangan, Brgy. Centrala, Surallah, South Cotabato niadtong Nobyembre 8, 2024.
Atol sa operasyon, nasakmit gikan sa drug suspect nga giilang si alyas “Renheart,” 26 anyos, mekaniko ug residente sa Purok Silangan, Barangay Lower Makulan, Lake Sebu, South Cotabato ang 15 ka plastic sachet sa ilegal nga drugas nga motimbang og 13 gramos ug usa ka piraso; sa one-thousand-peso bill nga nagsilbing buy-bust money.
Gidala sa Surallah PNP ang maong dinakpan lakip na ang mga nasakmit nga ebidensiya sa drugas sa Surallah, MPS alang sa tukmang disposisyon ug dokumentasyon.