General Santos City – Si Gensan City Mayor Lorelie Geronimo Pacquiao nitambong ug nisalmot uban ni City Councilor, Atty. Dominador Lagare, Jr. sa 74th League of Cities of the Philippines (LCP) General Assembly nga gipahigayon kagahapong adlawa, Agosto 15, 2024 sa Solaire Resort North, Quezon City.
Ang League of Cities of the Philippines mao ang opisyal nga asosasyon sa mga siyudad sa Pilipinas nga girepresentahan sa ilang tagsa-tagsa ka Mayor nga gimandoan sa pagpahayag sa mga isyu nga nakaapekto sa mga kagamhanan sa siyudad ug mga komunidad.
Kini karon gipangulohan ni Quezon City Mayor Joy Belmonte isip Acting LCP President. (Rem Agdon)
(Source: CMO)