General Santos: Mayor Pacquiao, magsasagawa ng Job Fair sa kanyang kaarawan

General Santos City — Ngayong darating na April 14, 2023, kaarawan ng ating mahal na Ina ng lungsod City Mayor Lorelie Pacquiao ay maglulunsad ng malaking job fair ang local government ng General Santos City.

Sa ipinalabas na abiso ng City Public Employment Service Office (PESO), nasa mahigit 50 mga local at national companies ang lalahok sa naturang aktibidad.

Batay sa datus ng Philippine Statistics Authority, umabot sa 2.47 milyon o 4.8% ang bilang ng mga Pilipino sa buong bansa ang walang trabaho noong Pebrero 2023.

Ang naturang bilang ay mas mataas mula sa 2.37 milyon na naitala noong buwan ng Enero ngayong taon. (Fred Degala)