General Santos City – SA pakighinabi sa mga sakop sa Media ning dakbayan sa Gensan, gikonpirma ni Gensan City PNP Director Col. Nicomedes Olaivar Jr. nga gipapha niya sa pwesto ang labaw sa Traffic Enforcement Unit (TEU) nga si PLt.Col. Oliver Pauya.
Butyag ni Col. Olaivar, gibalhin sa laing yunit sa Gensan PNP si Lt.Col. Pauya ug normal lamang matud pa kini nga katikaran sa usa ka opisyal sa Pulis nga ibalhin-balhin og dumalahon nga PNP unit.
Dugang pahayag sa labaw sa Gensan PNP nga over-staying na sa Pauya sa TEU-Gensan, tungod sumala sa balaud molungtad lamang og 2 ka tuig ang usa ka Opisyal sa Pulis nga magdumala og usa ka Yunit sa kapulisan, hinungdang gibalhin kini sa wala pa gikabutyag nga Police Unit.
Wala pa sab gibutyag ni Col. Olaivar kung kinsa ang mohulip kang Pauya isip bag-ong labaw sa TEU-GENSAN. (Rem Agdon)