General Santos City – Wala gilauman ni City Councilor Atty. Dominador Lagare Jr. nga subli pa kining makabalik sa hawanan sa konseho isip konsehal sa GenSan human ang 2022 election.
Saysay niini nga iyahang nabati ang pagmahal sa katawhan sa GenSan pinaagi sa pagbalik kaniya isip konsehal luyo pa man sa mga isyu nga ginabato ngadto kaniya.
Sumala niya nga iyahang tutukan ang natad sa kooperatiba sa GenSan hilabina ang sa transportasyon.
Dugang pamahayag ni Kagawad Lagare nga buot niyang subli nga huptan ang komitiba sa transportasyon kung asa pasigarbo niya nga kung nakaya niya niadtrong una, makaya usab niya sa karon ang komitiba sa transportasyon.
Gibutyag niini nga han-ay na ang iyahang mga plano ug programa para sa transportasyon sa dakbayan ug gikalipay niini nga kaalyado niya ang mayor.
Tungod matud pa niini, siya positibo mnga unsa mang ang mga ordinasa sa transportasyon sa dakbayan, kini ang suportahan ug mapatuman. (John Rey Somido)