General Santos City–Nagpadayon ang Pinalakas Na Bakuna Campaign sa Department Of Health aron mapataas ang ihap sa mga makabakunahan ug makadawat ug booster shot.
Sumala kang DOH 12 Assistant Regional Director Sulpicio Legaspi nga adunay pagtaas sa ihap sa mga nabakunahan sa rehiyon apan mubo gihapon kung itandi sa ilahang target.
Saysay niini nga target sa DOH sulod sa unang 100 days ni President Ferdinand Marcos Jr. ang 50% sa general population ug 70% para sa mga senior citizen.
Dugang pamahayag ni ARD Legaspi nga ang mga health worker ang nakadawat na ug 2nd dose ug nagahulat pa sila ug mando kung aduna pay ikatulong booster shot depende matud pa sa pagtuon.
Samtang, taas matud pa ang ihap sa mga kabataan nga nakadawat ug bakuna kontra covid 19, apan wala pa gihapon maka-abot sa ilahang target.
Sa karon, ang anaa lang gyud ang A2 kon mga senior citizen ang ilahang gina-paningkamutan nga mapataas ang ihap sa mga mabakunahan ug makadawat ug booster shot.
Samtang sa hisgutanang covid, gibutyag ni ARD Legaspi nga manageable na ang kaso sa covid sa Rehiyon 12 kung itandi sa milabay’ng tuig.
Saysay niini nga pabiling anaa sa low risk ang kaso sa covid sa rehiyon ingon man ang hospital capacity ang anaa gihapon sa lowrisk ug wala na kaayo pasyente sa covid nga anaa sa severe ngadto na sa critical cases.
Bisan matud pa ang covid related death ang niubos. Kini pamatuod nga epektibo gyud ang bakuna kontra covid 19.
Source: DOH 12
