General Santos City – Ubos sa inisyatiba sa BobsLor Pacquiao Foundation ug 1Pacman Partylist, malampusong naapod-apod ang bugas, spaghetti packages, ug payong kagahapong adlawa, Disyembre 12, 2024, ngadto sa kapin sa 300 ka mga estudyante ug mga ginikanan sa Pao Pao High School.
Ang maong aktibidad gitambongan nila ni Mayor Lorelie Geronimo Pacquiao, League of Barangay President Councilor Bobby Pacquiao, SK Federation President Councilor Elijah Joanne Polistico Pacquiao, ug Barangay Labangal Kagawad ug BobsLor Foundation Secretary, Hon. Graziel Pacquiao, ingon man ang mga kawani sa Departamento sa Edukasyon, nga nagpakita sa ilang panaghiusa ug dedikasyon sa pagpasiugda sa mga programa nga makaayo sa mga pamilya sa General Santos City.
Pinaagi sa Gasa sa Pasko, gipakita ang mga paningkamot sa Bobslor Pacquiao Foundation ug 1-Pacman Partylist sa paghatod sa makahuluganon nga mga inisyatiba alang sa kaayohan sa komunidad. (Rem Agdon)