GENERAL SANTOS CITY: DEAD on arrival sa ospital ang usa ka inahan human gipusil sa nag-inusarang gunman sa Purok bliss extension, Barangay Calumpang, GenSan. Giila sa rekord sa Calumpang Police Station ang gipusil nga si Sharry Sangayan, 40-anyos, housewife, dunay upat kaanak ug nagpuyo sa lugar. Sa inisyal nga imbestigasyon, alas-2 sa hapon samtang nagtagay og ilimnong makahubog ug nag-videoke si Sharry kauban ang tulo ka babayeng higala. Kalit miabot ang lalaking nakasakay sa motorsiklo ug gilayong gipusil sa ulo si Sangayan. Butyag ni alyas Ana, usa sa katagay ni Sangayan nakasuot og helmet nga itum ug naka face mask ang namusil sa higala. Padayon usab ang imbestigasyon ug paggukod sa kapulisan sa mipusil sa babaye, butyag ni Police Col. Nicomedes Olaivar Jr., city director sa GSCPO. Kini na ang ika-15 nga insidente sa pagpatay sa GenSan gikan Enero, duha gipusil patay ang babaye.