General Santos City – Hingpit na nga gipasakaan ug kasong 3 counts of thief ang usa ka pulis nga nailang si Patrolman Danilo Barona Jr., nga na-assign sa Sarangani Provincial Mobile Force Company human kining maaktuhan nga nanguha ug sling bag sa mga pulis nga mupa-ilalom sa Basic Internal Security Operational Course kon BISOC.
Sumala kang Police Major June Eric Dequito, hepe sa Police Station 5 nga subay sa ilahang impormasyon, alas 12:00 pasado ang takna sa udto niadtong disyembre 28 dihang nahitabo ang pagpangawat sulod mismo sa quarters sa mga biktima rason nga dali kining gisikop ug giturn-over sa Police Station 5.
Dili matud pa apil ang suspek nga si Patrolman Barona sa listahan sa mga pulis nga mupa-ilaom sa BISOC rason nga dili pa niini mabutyag kung unsa ang hinungdan nganong anaa sa maong lugar ang nasangpit.
Dugang pamahayag ni Police Major Dequito nga tulo ang mga reklamante batok sa nasangapit nga pulis.
Sa karon, ilaha nalang ginahulat ang desisyon sa korte human ang inquest proceedings.
Samtang magdepende na matud pa sa unit niini ang pagpasaka ug kasong administratibo human kining gipasakaan ug kasong kriminal.
(Source: PRO 12)