GENERAL SANTOS CITY – Ang mga kongresista na mipabor sa giduso ni Rep Loreto Acharon nga ideklara ang Gensan nga Tuna Capital of the Philippines.
Kini tungod napamatud-an nga dinhi sa syudad nahitabo ang pinakadako nga tuna landing kumpara sa Navotas ug uban nga lugar sa Visayas.
Matud ni Acharon nga dili sama kadako sa industriya sa panagat aduna ang uban nga syudad tungod nahimutang sa dakbayan ang pinakadako nga fishport facilities .
Giangkon niini nga mihinay ang industriya sa panagat tungod sa daghang problema usa niini ang padayon nga pagsaka sa presyo sa petrolyo, epekto sa climate change hinungdan migamay ang kuha nga isda.
Gani nagtinabangay ang 37 ka Kongresista nga maduso ang kamugnaan sa Department of Fishiries ug co -author niini si House Speaker Martin Rumualdez ug asawa niini isip priority agenda ni Pangulo Ferdinand Marcos.
Dinhi sa dakbayan matag Tuna festival ginaduso ang usa ka resolosyon nga nanawagan sa gobyerno nga mugnaon na ang nahisgutang departamento apan daghang Presidente na ang nakahuman sa termino wala gayud kini maaprubahan tungod daghan matud pa ang mibabag niini.