General Santos City – Dungan sa iyang pag-inspeksyon sa mga pulis nga gipakatap aron masiguro ang seguridad karong Semana Santa, si PBGen Arnold P. Ardiente, Regional Director sa Police Regional Office 12, personal nga nang-apod-apod og mga ballcaps o kalo ngadto sa mga unipormadong PNP personel sa Rehiyon Dose
Kini nga pagpanghatag kabahin sa pagpakita ni PBGen Ardiente og suporta ug pag-ila sa sakripisyo ug dedikasyon sa mga pulis nga nagpadayon sa pagserbisyo bisan pa sa balaang selebrasyon.
Gisusi usab ni PBGen Ardiente ang mga checkpoints, public transit areas, ug uban pang kritikal nga mga dapit aron personal nga makita ang kahimtang sa kapulisan ubos sa iyang kamandoan.
Sa matag dapit nga iyang adtoan, iyang gitimbaya ang mga polis ug giseguro nga aduna silay igong kagamitan, suporta, ug moral.
Gipahinumdoman usab niya ang mga pulis nga magpabiling alerto ug magpakita og pagpakabana sa publiko ilabi na sa paghandum sa Pasko sa Pagkabanhaw.
Pinaagi sa iyang pakig-alayon, misamot kalig-on ang kaisog sa mga pulis nga padayong nagsakripisyo sa pagpatunhay sa kahapsay ug kalinaw sa rehiyon.
Gipakita ni PBGen Ardiente ang klase sa pagpangulo nga manggihatagon, nakatutok sa mga tawo, ug adunay tinuud nga kabalaka alang sa kaayohan sa matag batang disipulo. (Rem Agdon)
News&Photos: RPIO-PRO12