General Santos City- Anaa pa lang sa 24. 40% kon 851, 751 ang fully vaccinated sa tibuok rehiyon 12 subay sa November 17 nga vaccine statistic sa Department Of Health Region 12.
Base sa target population sa DOH 12 anaa sa 3, 490, 115 ang target nga mabakunahan aron maangkon ang herd immunity.
Gikan sa maong target population, ang North Cotabato ang may target nga 1, 087, 157 kung asa anaa sa 318, 826 ang anaa pa lang sa 1st dose samtang 242, 179 ang fully vaccinated kon 22.28%. Ang South Cotabato may target nga 707, 868, kung asa 244, 539 ang partially vaccinated ug 189, 978 ang fully vaccinated kon 26.84%.
Ang Sultan Kudarat ang may target nga 603, 951, kung asa 170, 530 ang partially vaccinated ug 152, 692 ang fully vaccinated kon 25.28%. Ang Sarangani Province ang may target nga 413, 522 ug anaa sa 63, 966 ang partially vaccinated samtang 53, 825 ang fully vaccinated kon 13.02%.
Ang General Santos City ang may target nga 459, 732 ug anaa sa 189, 758 ang partially vaccinated ug anaa sa 152, 255 ang fully vaccinated. Samtang ang Cotabato City, anaa sa 217, 885 ang target population ug anaa sa 82, 691 ang partially vaccinated ug 60, 852 ang fully vaccinated kon 27.93%.