General Santos: DOLE-GenSan, walay mando gikan sa Central Office sa posibleng ayuda sa mga empleyadong apektado sa pagtaas sa presyo sa mga nag-unang palaliton

0
156

Gipaklaro sa DOLE-Gensan nga wala pay mando gikan sa ilang Central Office kung aduna bay ayudang ihatag sa mga empleyado nga apektado sa  pagsaka sa presyo sa Gasolina nga miresulta sa pagtaas sa presyo sa mga nag-unang palaliton.

Visit RPN DXDX General Santos

Matud ni Domingo Baron, Officer in Charge sa DOLE-Gensan nga wala nila ginabalewala ang posibilidad nga adunay ayudang ihatag sa mga empleyadong apektado sa pagsaka sa mga nag-unang palaliton. Apan sa karon wala pay mando gikan sa ilang Central Office.

Dugang pagbutyag ni Baron nga sa karon sumala pa ang ilang gina-implementar kadto lang ayuda sa mga empleyado nga naapektuhan sa retrenchment, temporary Closure sa gitrabahuman nilang establishemento ug kadtong hingpit na gyud nga nagsara nga kumpanya tungod sa pandemya.

Gihingusgan pa sa nasangpit nga sa karon nagahimo naman ug pamaagi ang mga nagkadaiyang ahensya sa gobyerno aron nga maminus-minusan ang epekto sa tumang pagtaas sa presyo sa produktong petrolyo.

Sama matud pa sa fuel subsidy nga gipanghatag sa mga tsuper diin sila makadawat ug 6,500 nga ayuda gikan sa gobyerno.

(Source: DOLE-12)

Leave a Reply