Malungon, Sarangani – Inisyal nga P14 milyones nga damyos sa mga pananum sa Malungon, Sarangani Province ang nahitabong kalit ug makusog nga baha nga nakasinati-an sa maong lungsod ning nakalabay’ng Nobyembre 17, 2022.
Kana ang gikabutyag ni Malungon Municipal Mayor, Atty. Tessa Constantino sa pakighinabi sa media kagahapong adlawa atol sa 5th Slang Festival.
Ang maong kantidad sa mga damyos subay matud pa kini sa pasi-unang taho nga gipadangat ngadto kaniya sa Office of Municipal Agriculturist (OMAG), apan gila-uman nga mosaka pa ang nasampit nga kantidad tungod daghan pang mga lugar ang wala maabot sa mga agricultural technician sa OMAG gumikan sa putol nga mga tulay ug landslide.
Kahibalo-an nga sagad sa mga pananum sa mga mag-uuma sa Malungon mao ang saging, lubi, mais, tubo ug uban pang agriccultural crops nga mapuslan sa ilang panginabuhi-an.
(Source: PIO-Malungon, Sarangani Province)