General Santos City – Mas gipahugtan sa BJMP ang pag-inspeksyon sa tanang mga butang nga gina-pasulod sa Gensan City Jail aron malikayan nga adunay makalusot nga mga kontrabando sama sa illegal nga droga.
Pamahayag ni Jail Superintendent Reuben Olivo, Jail Warden sa Gensan Jail Male Dormitory nga ilahang gitun-an ang mga pamaagi nga pwedeng gamiton aron makalusot ang mga kontrabando ug pinaagi niini, masiguro nila nga ila kining mapugngan ug malikayan nga sila malutsan.
Dugang pa niini nga aduna na silay mga ginahimo nga lakang aron matutukan ang mga problema sa City Jail sama sa pagpalusot ug kontrabando hilabina ang shabu. Tungo niini, wala na silay mga nakumpiska nga mga illegal nga droga higayon nga sila nagahimo ug surprise inspection.
Samtang gibutyag ni jail superintendent olivo nga nagpabiling mubo ang ilahang ihap sa mga pinirisong nag-avail ug Plea Bargaining nga subling nadakpan tungod sa illegal nga droga.
Sumala niya nga ang mga piniriso nga lambigit sa illegal nga droga., higayon sila mag-avail sa plea bargaining, ang korte maoy magdesisyon kung asa sila ipa-ilalom nga programa, una mao ang BADAC ug ikaduha mao ang community-based drug rehab program sa City Social Welfare and Development Office. (Fred Degala)