Alabel, Sarangani Province – Hingpit ang pagpahinumdum sa Alabel Municipal Environment and Natural Resources Office (MENRO) ug mga Bantay Dagat sa 3 ka coastal barangay sa Alabel nga dili gayud hilabtan ang nesting area sa mga Pawikan kun Sea turtle. Ang mga kabaybayunan sa Alabel, nesting area sa mga pawikan.
Tungod sa ilang conservation status ug sa ilang importante nga papel sa coastal ug marine ecosystems, ang mga pawikan ug uban pang ihalas nga mga mananap gipanalipdan sa balaod (Republic Act No. 9147).
Kadtong mapamatud-ang sad-an sa pagpatay sa ihalas nga mga mananap nga gikonsiderar nga critically endangered species mag-atubang sa pagkabilanggo hangtod sa unom (6) ka tuig ug multa nga hangtod sa One Million Pesos (P1,000,000.00).
Sa laing bahin, kadtong mapamatud-an nga sad-an sa ilegal nga pagnegosyo o pagpanag-iya sa critically endangered species mag-atubang sa pagkabilanggo hangtod sa upat (4) ka tuig ug/o multa nga hangtod sa Three Hundred Thousand Pesos (P300,000.00).
Kaniadtong milabayng semana, gipangunahan sa Alabel MENRO ug sa Brgy Ladol ang pag- release sa mga bag-o napusa nga Olive Ridley, usa ka specie sa pawikan.
Sumala sa MENRO Alabel, ana'ay laing 3 ka enclosure nga ginamonitor sa mga bantay dagat sa coastal area sa Brgy Maribulan.
Ubos sa DENR Administrative Order No. 2019-19, ang Olive Ridley, nalista nga endangered.
(Source: Alabel Information Office)