General Santos City – Giduso karon sa City Public Safety Office nga dili una pa-agihon ang mga dagkong sakyanan sa national highway samtang padayon ang konstraksyon sa underpass.
Sumala kang Atty. Rowi Malayag, labaw sa public safety office nga aduna na silay mga propose nga alternatibong dalan tumong niini aron nga dili mangguot ang mga sakyanan sa National Highway nga nahimutabangan sa imuntar nga underpass hilabina nga anaa lang sa single lane ang ginagamit sa karon.
Hahibaluan nga adunay existing nga balaud sa syudad kung asa ilalom sa Ordinance no. 37 series of 2018, aduna lang window period kung asa bawal mu-agi sa national highway ug bisan na sa Silway ang mga dagkong sakyanan o mga 6-wheelers pataas nga mga sakyanan may sulod man o wala.
Sumala kang Atty. Malayag nga subay sa maong ordinansa, bawal mu-agi ang mga truck gikan alas 6:30 sa buntag ngadto na alas 8:30 sa buntag ug alas 4:30 sa hapon ngadto na alas 7 sa gabii.
Apan kini nga ordinansa ang na-aparubahan dihang wala pa ang underpass project, apan sa karon, ilahang gipaninguha nga dili una pa-agihan ug mga truck ang national highway.
Gugang pamahayag ni Atty. Malayag nga adunay duha ka proposal ang gilatag karon sa Sangguniang Panlungsod alang sa truck ban.
Una mao ang 24/7 nga truck ban kung asa bawalan una ang mga dagkong sakyanan nga mu-agi sa national highway samtang ginatrabaho ang underpass. Ikaduha, mao ang pagpatuman sa truck ban gikan alas 5:30 sa buntag ngadto na alas 9:30 sa gabii.
Apan giklaro niya nga ang maong mga proposal ang ipa-agi pa sa committee hearing uban ang mga nanag-iya ug truck o kadtong anaa sa trucking business. (john Rey Somido)
(Source: City Public Safety Office GenSan)