Ang Philippine Coast Guard Eastern Sarangani (CGSES), pinaagi sa Coast Guard Sub-Station Glan, uban sa bug-os nga suporta sa Municipal Disaster Risk Reduction and Management Office (MDRRMO) ug sa Local Government Unit sa Glan, malampusong nagpahigayon og Search and Rescue (SAR) operation nga naglambigit sa nada-ut nga motorized banca nga MBCA GWEEN sa duol nga kadagatan sa Brgy. Gumasa, Glan, Sarangani Province, niadtong Enero 24, 2026.
Ang maong adunay pasaherong siyam (9) ka estudyante ug tulo (3) ka tripulante nga nagpahigayon og “marine biology fieldwork” isip kabahin sa ilang Bachelor of Science in Marine Biology thesis research sa Sarangani Bay.
Gikabutyag nga human nadawat sa Coast Guard Eastern Sarangani ang taho sa nada-ut nga bangka report, dali silang nakig-alayon sa Coast Guard Sub-Station Glan ug sa Municipal Disaster Risk Reduction and Management Office (MDRRMO) Glan, ug dali nga naglunsad og Search and Rescue Operations.
Luwas nga nakaabot ang Search and Rescue Team sa nadaut nga motor-banca nga nahimutang sa 8 ka nautical miles) sa baybayon, ug malampusong natabangan ang tanang pasahero, ug gibalhin sila ngadto sa mga nagresponding rescue boats.
Ang mga naluwas nga indibidwal gidala dayon ngadto sa Horizon Beach Resort, Brgy. Gumasa, diin sila gi-medical evaluation sa MDRRMO Glan Medical Team ug nakita nga naa sa maayong kondisyon sa panglawas.
Ang SAR team ug ang mga naluwas nga pasahero luwas nga nakaabot sa Port of Glan, samtang ang naapektuhang MBCA GWEEN nga bangka giguyod balik sa pantalan nga walay bisan unsang dili maayong insidente.
Ang dugang nga imbestigasyon nagbutyag nga ang naasoy nga bangka mibiya gikan sa Lower Malok, Brgy. Labangal, General Santos City aron magpahigayon og marine research ug nakasugat og malfunction sa makina ug kadaot sa outrigger tungod sa mabalod nga kondisyon sa dagat, nga nag-aghat sa pagpangayo og emergency assistance.
Ang mga naluwas nga pasahero gitugyan dayon ngadto sa ilang mga paryente ug luwas nga gibalik sa General Santos City.
Kini nga malampuson nga operasyon nagpakita sa lig-on nga pasalig sa Philippine Coast Guard sa kaluwasan sa kadagatan, ka-andam sa search and rescue, ug pagpanalipod sa mga kinabuhi sa dagat, labi na sa pagsuporta sa panukiduki, edukasyon, ug lehitimong mga kalihokan sa kadagatan.
News&Photos: PCG-WestSarangani