General Santos: 77% employable rate sa mga nakahuman ug training TESDA 12, gipasigarbo

0
0

General Santos City – Mukabat sa kapin 2mil matag tuig ang mamahimong benipisyaryo sa gitukod nga regional training center sa TESDA 12 nga nahimutang sa Brgy. Spring, Alabel, Sarangani Province.

Visit RPN DXDX General Santos

Sumala kang TESDA-12 Regional Director Rafael Abrogar II nga pinaagi sa suporta sa lokal nga panggamganan sa Alabel ug probinsya sa Sarangani siya nanghinaut nga makapalit pa ug dugang nga mga ekwipo ug madugangan pa ang pondo aron hinay-hinay nga matiwas ang 150 million nga kantidad sa maong pasilidad.

Gawas matud pa sa training center, lakip sa plano sa 4.5 nga ektaryang luna mao ang dormitoryo alang sa mga scholars sa TESDA nga lagyo ang mga balay.

Dugang pamahayag ni TESDA 12 Director Abrogar nga pabiling aktibo ang TESDA 12 sa paghatag ug programa ngadto sa mga indigenous people kon mga IP ingon man sa mga former rebel.

Subay sa datus, sulod sa upat ka tuig, mukabat sa kapin usa ka libo nga mga former rebel ug kapin 18mil nga mga IP ang nahimong benipisyaryo sa TESDA 12.

Samtang base sa datus sa Philippine Statistic Authority kon PSA, anaa sa 77% ang employement rate sa mga nakahuman sa  training sa TESDA ug pasigarbo niini nga lakip ang Rehiyon 12 sa may pinakataas nga employability rate sa tibuok nasud. (Ali Jejon Macalinsal)

Leave a Reply