General Santos City – Malampusong nasakote sa hiniusang pwersa sa kapulisan ning siyudad sa Heneral Santos ang mokabat sa kyenentos byente syete Mil (PHP 527,000) ka pesos nga gituohang shabu sa tulo(3) ka giingong high value individual (HVI) sa Maruz Subd. Mabuhay Road, Brgy San Isidro, General Santos City niadtong nakalabayng Sabado Hunyo 24, 2023.
Segon pa kang Police Colonel Jomar Alexis A Yap, City Director sa General Santos City Police Office, naila ang mga dinakpan nga live-in partner nga silang alyas “Melyn”, ug alyas “Ardee”, anaa sa hamtung pangidaron diin pulos mga residente sa lot 5 block 7, Maruz Subd. Brgy San Isidro, ning siyudad, samtang ang usa ka alyas “Emi”, ang residente sa Prk. San Juan Silway, Brgy Dadiangas West, General Santos City.
Ala 1:15 sa ka adlawon adlaw’ng Sabado gilusad ang maong anti-illegal drug operation sa mga suspek sa hiniusang pwersa sa mga personahe sa City Police Drug Enforcement Unit, General Santos City Police Office – Police Station 4, City Intelligence Unit. , CIDMU, City Mobile Force Company, Regional Police Drug Enforcement Unit 12, Regional Intelligence Division 12 Tracker Tm Bravo, Regional Special Operations Group 12, Maritime Police Station ug sa pakig alayon sa PDEA 12.
Sa gihimong body search, nakuha gikan sa babaye nga suspek ang 14 ka plastic sachet nga adunay sulod nga gituohang shabu nga adunay kinatibuk-ang gibug-aton nga 17.5 ka gramos nga mobalor og Php459,000.
Mokabat sa 5 gramos sa gituohang shabu nga gibana-banang mobalor og Php34,000 ang nakuha gikan sa live-in partner sa babaye.Laing pang pakete sa gituohang shabu nga may gibug-atong 5 gramos diin mobalor og Php 34,000 ang nakuha gikan sa laing kauban sa live-in partner.
Sa kinatibuk-an, mikabat sa Php527,000 nga kantidad sa shabu ang nasakmit gikan sa tulo ka mga HVI. Kasong paglapas sa Comprehensive Dangerous Drugs Act of 2002 ang atubangon sa nasangpit nga mga suspek. (Rey G.Ombaña)