General Santos City – Gi-officiate ni Gensan City Mayor Lorelie Geronimo ang libreng kasal sa 25 ka eligible couples kagahapong adlawa sa Greenleaf Hotel ning dakbayan sa Gensan.
Sa iyang mensahe, gipahalipayan ni Mayor Pacquiao ang bag-ong kasal ug gidasig nga himuong sentro sa ilang gugma ang Ginoo.
Gipasalamatan usab niya ang mga kawani sa Local Civil Registrar (LCR) sa ilang pagpaningkamot sa pagpahigayon sa kasal nga gipangulohan ni Department Head Nenita Ellivera.
Gihatagan usab sa mayor og cash gift ang matag magtiayon isip pahalipay sa ilang panaghiusa. Anaa usab ang gift box ug grocery package sa tabang sa Bobslor Pacquiao Foundation ug 1Pacman Partylist.
Iya usab nga gipahibawo nga ang matag paris makadawat og usa ka sakong bugas nga ilang ma-claim sa buhatan sa LCR. (Rem Agdon)