General Santos City: Gipangunahan ni Gensan City Mayor Lorelie Geronimo Pacquiao ang turnover ceremony sa duha (2) ka proyekto sa Barangay Tinagacan kagahapong adlawa, Agosto 14, 2024.
Kini mao ang P2.5-million nga kantidad sa box culvert sa Purok 8 ug ang P3-million nga balor sa Water System Level 2 sa Purok 19, Barangay Tinagacan, General Santos City nga gipundohan sa pundo sa LGU-Gensan.
Sigun ni Kapitan Geoffrey Salanio, mokabat gayud sa kapin kon kulang sa 300 ka residente ang makabenepisyo sa bag-ong water system. Kini na matud pa ang ika-4 nga water system sa Brgy. Tinagacan ug aduna pa’y laing mosunod nga iturn-over nga susamang proyekto sa umaabot nga buwan. (Rem C. Agdon)