- Advertisement -
Kiamba, Sarangani Province – Kasong kalapasan sa RA 9165 ang giatubang karon sa duha ka mga indibidwal nga nasikop atol sa gihimong operasyon sa kapulisan batok illegal drugs sa Sitio Bialong, Brgy. Poblacion, Kiamba, Sarangani Province niadtong nakalabayng adlaw.
Giila lang ni Police Major Ludovico Rendaje Jr. Hepe sa Kiamba Municipal Police Station ang mga suspek nga silang si Alias “Roy” ug Alias “Rico”.
Nasayran nga nagpahigayon ang mga intel operatives ug intel monitoring ug surveillance sa maong lugar dihang ilang namatikdan ang duha ka mga individual nga nagkinambyuanay ug kwarta ug gituohang droga.
Dihang namatikdan sa duruha ang presensya sa kapulisan, ilang gilabay ang kwarta ug ang usa ka sachet sa gituohang shabu apan dihang gipangutana ang mga nasampit kinsay tag-iya niini walay niangkon. Gilayon usab nga giaresto ang duha ug gibalhog sa presuhan. (Giovanni Pasco)
(Source: Sarangani Police Provincial Office)
- Advertisement -
