General Santos City – Nasikop ang usa ka Street Level Individual (SLI) ug nakuha gikan kaniya ang gibana-banang 70 gramos sa gituohang shabu nga mubalor sa Php476,000.00 nga nasakmit atol sa buy-bust operation sa mga awtoridad. Gawas niana, nakuhaan sab kini og kalibre 38 nga revolver nga “Armscor 202” nga adunay lima ka buhing bala atol sa susamang operasyon nga gihimo sa PNP Drug Enforcement. Unit – Special Operations Unit 12 (PDEG-SOU12) sa pakigtambayayong sa Police Station 9 sa General Santos City Police Office (GSCPO) ug Purok 6 Malayang Nayon, Barangay Mabuhay, General Santos City bag-ohay pa lamang.
Ang suspek usa ka 36-anyos nga residente sa Barangay Sapa Tubo sa Glan, Sarangani Province, mag-atubang og kasong may kalambigitan sa pagpamaligya og drugas ug paghupot og ilegal nga armas.
Giandam na ang mga kaso batok kaniya, sama sa paglapas sa Sections 5 ug 11 sa Article II sa R.A. 9165, nga may kalabotan sa paghupot ug pagbaligya sa ilegal nga drugas, ug kalapasan sa Section 261 sa BP No. 881 alang sa illegal possession of firearms. Sa pagkakaron, ang dinakpan anaa sa kustodiya sa Police Station 9 alang sa booking, samtang ang mga nakuhang ebidensiya gidokumento ug tukma nga gidumala sa PDEG-SOU 12. Si PBGEN JIMILI L MACARAEG, ang Regional Director sa PRO 12, midayeg sa maayong buhat sa mga operatiba sa kapulisan, nga nagkanayon, (Rey ombana)