Patay ang isa ka 25 anyos nga layaki human naghikog kagabie suyod sa ija kwarto nga giabangan na boarding house sa may Purok 1-A, Brgy. San Juan, Surigao City.
Nakilay-an ang biktima nga si Christopher Pagas Dellera, 25 anyos, ulitawo, Shell gas attendant, kasamtangan naghuya sa nahisgutang lugar ug lumad nga taga Purok 5, Brgy. Lisondra, Surigao City.
Sa imbestigasyon ni PSSg. Joen Zabala ngadto na sa landlady nga si Jovelyn Timtim Rebela sanan isa sa ija boarders nasayran nga ila na lamang na diskobrehan pasado alas 9:50 ang takna sa gabie nga nag bitay na ang biktima gamit ang pisi taghikot sa liog dajun gitaod sa wooden beam nga miresulta sa paghikog.
Dugang pa sa imbestigasyon nga may suicide note pa nga gisuyat sa pader sa waya pa mag hikog ang biktima. Sa pagka kuman nagpadajun pa ang makuti nga imbestigasyon kung unoy hinungdan sa pagkutlo sa ija kaugalingong kinabuhi ngadto na sa biktima. Ang patay’ng lawas jaon sa Nilo Funeral Services.
(Mark James Cortes Lisondra, Ronda 21 RPN DXKS)
Â