Nangidiaya ti gobierno probinsyal iti Ilocos Norte ti agarop sangapulo ket pito a garbage compactors kadagiti ili ti probinsia nga agkasapulan.
Dagiti munisipalidad a naibunungan ket iti ili ti Badoc, Carasi, Pinili, Currimao, Banna, Bangui, Burgos, Dingras, Marcos, Pagudpud, Paoay, Pasuquin, Sarrat, Solsona, Vintar ken iti dua a siudad ti probinsya iti Laoag ken Batac.
Segun kenni Governor Matthew Marcos Manotoc, dagiti garbage compactors a naibunong kadagiti nadakamat nga ili ket mangnamnama a maaramat para iti pagsayaatan iti kangrunaanna iti panangilasin iti basura dagiti umili.
Innayonna pay, a dagiti innem a munisipalidad a saan nakaawat iti compactors ket immunan a naikkan iti financial assistance a maaramat para iti environmental purposes.
Kabayatanna, daytoy a panagibunong ket kas paset iti Narimat nga Aglawlaw Program iti gobierno probinsial. (Alyssa Pagdilao, RPN DZRL Batac Correspondent)
(Source: LGU – City of Batac)