- Advertisement -
Cagayan de Oro – Gipahalipayan sa syudad ubos sa administrasyon ni Mayor Rolando `Klarex’ Uy pinaagi sa City Anti-Drug Abuse Council (CADAC) ang Barangay FS Catanico human opisyal kini nga gi-deklarar isip ‘drug-cleared barangay’ atol sa 3rd Regional Oversight Committee on Barangay Drug Clearing (ROCBDC) deliberation sa rehiyonal nga buhatan sa Department of Interior and Local Government (DILG-10) bag-ohay lang.
Ang FS Catanico maoy ika-15 nga barangay ning syudad nga gi-deklarar isip drug-cleared gumikan usab sa hugot nga paningkamot sa ilang Barangay Anti-Drug Abuse Council (BADAC) ug sa mga comm.-based managers sa Community-Based Drug Rehabilitation Program (CBDRP).
Si Dr. Rhyselle Bernadette Descallar, head sa Oro Citizen’s Wellness and Development Center (OCWDC), namahayag nga 15 sa 24 ka mga barangay ang gi-classified nga drug-cleared ug 9 ang drug-free.
Ang gi-classified nga drug-cleared mao ang Barangay 1, 5, 6, 7, 8, 11, 14, 16, 19, 23, 26, 30, 37, Besigan ug FS Catanico.
Samtang ang siyam nga drug-free barangay mao ang Barangay 2, 3, 4, 9, 20, 21, 38, 39, ug 40.
Ang kampanya batok gidiling druga ug ang pagsugpo niini maoy usa sa mga agenda nga gihingusgan nga masumpo sa administrasyon ni Mayor Klarex Uy.
News and photo courtesy of CIO CDO
- Advertisement -
