Nag-atubang na og kasong frustrated murder si P/MSgt. Bruce John Buduan, ang police personnel nga nalambigit sa viral nga road rage incident.
Matod pa kang General Santos City Police Office chief, P/Col. Gilberto Tuzon, gawas sa criminal charges, mag-atubang usab og kasong administratibo ang maong pulis.
Nag-ugat ang kaso human malambigit sa traffic altercation ang pulis ug usa ka motorista, diin misangko sa mainitong komprontasyon.
Subay sa reklamo, gikataho nga anaa matod pa sa impluwensiya sa alak si Buduan niadtung higayona, diin, nagpabuto pa kini sa iyahang armas.
Gikumpima usab sa hepe sa City-PNP nga gibutang na sa holding area si Buduan samtang nagpadayon ang imbestigasyon.
“Sabi ko nga, ang kapulisan ng GenSan ay walang abusado at barumbado,” ang tipik sa pagpaniguro sa opisyal, atol sa gipahigayong press conference sa GSCPO’s GenSan Big Eye. (John Rey Somido)
