Cagayan de Oro – MALAMPUSON’G gipahigayon ang Freshmen Orientation and Get Together (FIOGET) tali sa 3,000 newly accepted city scholars nga gipangulohan sa City Scholarships Office (CSO) ubos ni Richel Petalcurin-Dahay nga gisugdan niadtong Septiyembre 5 ug milungtad hangtud Septiyembre 19.
Nasayran nga sila giubanan sa mga ginikanan atol sa orientation diin gipasabot ang vision and mission, student affairs and formation activities, lakip scholarship policies ug guidelines sa City Scholarships Office.
Gani man, gipaabot usab ni Mayor Klarex iyang hugot nga suporta pinaagi sa video message diin iyang gipahinumdaman ang mga city scholar sa bili sa paghigugma sa kaugalingon, ginikanan, komunidad ug labaw nga Makagagahum aron magmalampuson sa ilang paglawig isip city scholar.
“..Aron kamo maglampuson sa inyong ISDA journey, higugmaa ang imong kaugalingon, ginikanan, komunidad ug labaw sa tanan, ang Makagagahum!,” saysay ni Mayor Klarex Uy.
Lakip sa mga partner schools sa LGU-CDO diin na-enroll ang mga newly accepted city scholars ang Liceo de Cagayan University, Capitol University, PHINMA-Cagayan de Oro College (PHINMA-COC), Xavier University-Ateneo de Cagayan, Lourdes College, University of Science and Technology of Southern Philippines (USTP), Pilgrim Christian College, Southern de Oro Philippines College (SPC), STI College ug tulo ka partner academic institutions nga nadugang karong tuiga, ang Golden Heritage Polytechnic College, Vineyard International Polytechnic College ug Informatics Computer Institute-Cagayan de Oro Center, Inc.
Tinguha sa FIOGET nga maila ang city scholars sa ilang university scholarship coordinators ug sa mga personahe sa City Scholarships Office personnel uban sa pagpanday og panaghiusa kauban ang city scholars diha sa dula, group discussions ug uban pang kalihokan.
News and photo courtesy of CIO CDO