iNFOCUS: Gobyerno sa dakbayan sa Surigao mi-comply sa kamandoan sa National IATF Resolution No. 101, ang unified Travel Protocols sa tibook nasud!
Gisunod sa Gobyerno sa syudad an mando sa kaulohan pinaagi na sa IATF ubos sa Resolution No. 101 – ang unified Travel Protocols o giusang protocol sa tibook Pilipinas.
Matud pa ni Atty. Manuelito Delani, City Legal Officer sa dakbayan nga misunod gyud sa kamandoan sa Inter Agency Task Force ang lokal na pagamhanan sa dakbayan sa pagwala na sa mga requirements sa pagbiyahi.
Subay niini, dili na kinahanglanon ang mga requirements sa mga gusto mubisita sa Surigao susama sa mga musunod:
1.) travel pass/ authority ug medical certificate sa mga musakay sa mga sakyanang pandagat ug sa eroplano.
2.) Wala na usab gikinahanglan ang negative result sa RT PCR sa mga pagawas sa Syudad nga pasahero. Apan sa mga muabot sa Surigao city ang mga pasahero sa Surigao City Airport ang magpresentar pa gihapon ug negative result sa RT PCR.
3.) Dili na usab mandatory ang 14 days Quarantine.
Samtang, gipa klaro lamang nga ang tanang mga mando sa NATIONAL- IATF ang masunod lamang kini KUNG WALAY GIBATING SIMTOMAS ANG USA KA PASAHERO O BISITA NGA MUSULOD SA SYUDAD. Sa mga makitaan ug simtomas kini lamang ang KINAHANGLANON MAGPAKITA SA ILANG NEGATIVE RT-PCR UG MAPAILAYOM SA MANDATORY QUARANTINE.
(Source: Surigao City PIO Facebook page)