Cagayan de Oro – ARON mapugngan ang pagdaghan sa mga nakasinati og influenza-like illness (ILI) o hilanat, ubo ug sip-on, giaghat ni Mayor Rolando “Klarex” Uy ang katawhan pinaagi sa Executive Order No. 290 nga sundon ang minimum public health standards sa tanang pampublikong lugar ug transportasyon dinhi ning syudad.
Kini alayon sa mas taas nga ihap sa mga nakasinati og hilanat kon itandi sa milabay’ng tuig.
Basi sa executive order sa mayor, iyang gidasig ang katawhan sa pagsul-ob og face masks, pagsunod sa social distancing sa tanang pampublikong lugar ug mga salakyan, pagsunod sa saktong handwashing ug saktong cough etiquette.
Kahinumdoman nga pipila ka mga pribadong tunghaan ning syudad ang kasamtangang mibalik sa online classes human daghan matud pa sa ilang mga estudyante ang nakasinati sa influenza-like illness kon ILI.
News and photo courtesy of CIO CDO