CAGAYAN DE ORO – Aduna nay mga konsehal sa syudad sa Cagayan de Oro nga misuporta sa panawagan sa 26 ka mga barangay captains alang sa pagpailawom sa Enhanced Community Quarantine sa syudad. Sa gipahadayag ni City Councilor Lordan Suan, siya misugilon nga panahon na nga ipatuman ang mas striktong lakang pagpakgang sa Covid-19 dinhi sa syudad tapos nasayran nga aduna nay local transmission sa maong sakit.
Suportado ni Suan ang lakang nga ipailawom sa ECQ ang syudad ug siya misugilon nga adunay capasidad sa pagpakaon sa mga hingtungdang populasyon kon ugaling masinati na kini.
Nasayran nga adunay P550 million ng approved supplemental budget ang syudad, P300 million ang calamity fund ug P156 million nga bayanihan fund.
Sa pikas bahin, nagpadayag usab si konsehal Jocelyn “Bebot” Rodriguez sa maong lakang diin kini iyang gihangyo niadto pang Marso 30.
Sayo niini ang 26 ka mga kapitan sa dakbayan misang-at na sa ilang panawagan ngadto sa Mayor pagpaubos sa ECQ sa syudad aron mapasalipdan ang katawhan.