Cebu City – Gibutyag sa National Bureau of Investigation Central Visayas (NBI-7) nga duna na silay upat ka pangalan nga gi-verify aron pag ila sa duha ka mga cyclist nga nakit-ng nanumbag sa tig deliver ug pan, sa nag viral nga road rage video sa Syudad sa Mandaue.
Matod ni NBI-7 Director Renan Oliva nga nagpaabot siya sa medical exam result pag determina sa tukmang kaso nga ipasaka batok sa duha.
Dugang pa niana, sigon pa ni Oliva nga mopasaka sab sila ug kaso nga usurpation of authority batok sa duha ka bikers.
Ang biktima sa pagpanumbag, Marvin Lobitana,30 anyos, delivery man, determinado nga mo pasaka ug kaso batok sa duha ka bikers kinsa nanumbag niya sa intersection sa Hernan Cortez St. ug A.S. Fortuna Avenue, Syudad sa Mandaue.
Mitug-an si Lobitana nga kaduha siya gisumbag ug naigo sa iyang nawong.
Nanghinaut ang mga otoridad nga mogawas kadtong mga bikers aron maka istorya sa ilang habig ug maka depensa sa ilang kaugalingon. (Jhon Tadlip)
(News & photos courtesy of National Bureau of Investigation)