Cagayan de Oro – Dugang Kalambuan sa proyektong Imprastraktura ang natagamtam na usab sa katawhan sa duha ka lungsod sa Segundo Distrito sa Misamis Oriental. Kini human nagmalampuson ang pag-turnover sa usa ka Road Concreting Project nga nagkantidad sa Php23,766,658.87 sa dalan nga nagkonektar sa Brgy. Lapad sa lungsod sa Laguindingan paingon sa Brgy. Lourdes sa munisipyo sa Alubijid.
Kini alayon gihapon sa tinguha ni Cong. Bambi Emano nga makonektar ang tanang kalungsoran sa Segundo Distrito sa Misamis Oriental pinaagi sa MOWDIR ug sa mga connecting roads sa mga barangay sa kalungsoran.
Maoy nangulo sa pakighimamat sa katawhan ug pakigpulong kanila si Mayor Nadya Emano-Elipe, kinsa maoy nagpaambit sa mensahe ni Cong. Bambi tungod kay atua pa kini sa kaulohan sa pagsuporta sa pagpangandam sa umalabot SONA ni Presidente Bongbong Marcos. Mitambong usab sa maong kalihukan ang mga tinugyanan sa DPWH MisOr 2nd DEO, Board Member Dexter Yasay kinsa maoy mi-representar kang Gov. Peter Unabia, mga opisyal sa lungsod ug barangay uban ang ilang mga functionaries.
News and photo courtesy of Cong. Bambi Congressional Office