Davao del Norte – Mukabat sa 92 ka mga bala ang narekober sa mga sakop sa San Isidro Municipal Police Station human kining boluntaryong gisurrender sa Barangay Kapitan sa Barangay Datu Balong, San Isidro, Davao del Norte.
Sumala sa report, gilayong gireport sa giingong kapitan ang mga nakitang bala ug abtik nila kining girespondehan ug gitunol kini kanila.
Dugang niini, nga usa ka netizen ang nakakita sa giingong mga bala ug gireport kini sa kapitan.
Sumala sa kapulisan, narecover nila ang mga bala human nakadawat og impormasyon gikan sa maong barangay kapitan ug paghuman sa pagdawat sa maong impormasyon, girespondehan nila kini ug pagabot sa barangay hall, giturnover dayun kini sa kapitan.
Sa karon, gihimangnuan sa kapulisan ang publiko nga ireport gilayon ug adunay mga makita sama sa mga bala, baril, bomba ug uban pa. (Camille Santos Naraga)
(Source: Contributed)