Pinaagi sa walay hunong na follow-up operation sa Guadalupe Police Station ilang nasikop ang duha ka mga tulisan.
Basi sa imbestigasyon, alas 6 sa sayong kabuntagon niadtong Disyembre 17, 2023 sa dalan sa Guadalupe ning syudad sa Sugbo, samtang ang biktima panaug sa taxi nga iyang gisakyan, sa wala damha kalit nga niduol ang tulo (3) ka mga lalaking suspetsado ug didto gibuhat ang maong pagpanulis diin nakuha gikan sa biktima ang 1.) Wallet nga adunay sulod nga  Php500.00 nga kantidad, Philhealth ID ug Metrobank ATM ug cellphone Iphone XS Gold nga nagkantidad ug Php16,000.00.
Dali nga nitaho sa kapulisan ang maong biktima kauban ang eye witness diin nagtumbok sa mga suspetsado nga parehong residente sa Sitio Green Village sakop sa Brgy. Guadalupe nga miresulta sa hinadaling pagkaaresto pasado alas 2:30 ang takna sa kahapunon sa parehong adlaw.
Samtang padayun nga gipangita ang usa ka suspetsado nga nailhang si alyas “WANDO”, 27 anyos, residente sa Sitio Green Village. Nag-atubang sa kasong robbery ang mga suspetsado nga kasamtangang naka detained sa Guadalupe Police Station 9, CCPO. (Renante Lada, photo courtesy of CCPO)