Duha ka mga pintor disgrasyang nakuryentihan sa waya pa mag-alas 9 sa buntag dihang misabod an hagdan sa secondary line nan Surneco.
Ini nahitabo sa isa ka tindahan sa dayan Narciso suod sa kanto Espina, Brgy. Taft, Surigao City.
An mga biktima jadto tagdaya sa Caraga Regional Hospital.
Sa initial report nakilay-an an mga biktima na sila si Tiudolo “Naknak” Elfa, 30 anyos sanan si Happy Bal “Pepoy” Magdusa, 28 anyos pulos taga Barangay Taft, Surigao City.
An Surigao City Emergency Response Services miresponde human madawat an tawag alas 8:56 sa buntag na may nakuryentihan. Miresponde isab an Special Rescue Unit nan BFP sa maong aksidente diin sila an miluwas sa duha pinaagi sa pagpanaug sa duha gikan sa 3rd floor o roof top sa building.
Nakasinati sa 1st to 2nd degree burn si Elfa sa left side sa iyang lawas samtang 2nd degree burn sa tuong siki ang nahiaguman ni Magdusa.
(RPN DXKS Surigao via Roland Ancla Legaspi)