Nakadawat og ₱10,000 nga cash gift ang mga senior citizens sa lungsod sa Salug, Zamboanga del Norte kaniadtong Marso 20, 2026 nga nakaabot sa edad nga 80, 85, 90, ug 95, subay sa gihatag sa Expanded Centenarian Act o Republic Act No. 11982.
Gipangunahan ang distribusyon, ni Municipal Mayor Dr. Ruth M. Brillantes uban ni MSWDO Windelyn Rigodon, nga personal mitambong aron makigselebrar sa maong okasyon uban sa mga benepisyaryo.
Tumong niini sa paghatag og pag-ila ug pasidungog sa kontribusyon sa mga senior citizens sa komunidad, ilabina sa ilang papel sa pagpadayon sa mga tradisyon ug pagpalig-on sa pamilya.
Gipasiugda usab nga ang maong inisyatibo kabahin sa padayon nga pag-atiman sa Local Government Unit sa Salug sa kaayohan sa mga tigulang, pinaagi sa mga programa nga naghatag og suporta ug benepisyo alang kanila.(IKEN B. GULLEM)
Source: Municipality of Salug