Nagpahigayon og gift-giving activity ang Zamboanga del Norte Police Provincial Office (ZNPPO) kauban ang Officers’ Ladies Club (OLC) isip pagpakita sa suporta ug pag-atiman sa mga batang babaye nga nagpuyo sa Balay Dangpanan sa Kababayen-an sa Barangay Anastacio, Polanco Zamboanga del Norte.
Gipangunahan ang kalihokan ni PMAJ Roger A. Bartiana, Officer-in-Charge sa PCADU, kauban si PCPT Charlot M. Lapiz, Assistant Chief sa PCADU, uban sa mga personahe sa PCADU ug mga miyembro sa ZNPPO OLC nga gipangulohan ni Mrs. Ejelie B. Gania. Nahiusa usab ang PNP OLC Foundation, Inc. sa PRO9 sa maong kalihokan.
Tumong sa maong kalihokan ang paghatag og kalipay, pagdasig, ug pag-atiman sa mga residente sa pasilidad, ilabi na sa ilang emosyonal ug sosyal nga panginahanglan. Pinaagi niini, napalig-on ang mensahe sa kalooy ug pag-amuma sa komunidad.
Matod sa ZNPPO, ang maong kalihokan kabahin sa padayon nga paningkamot sa PNP sa pagserbisyo sa katawhan ug pagpalapad sa mga programa nga nagpalig-on sa kaayohan sa kababayen-an ug kabatan-onan.(IKEN B. GULLEM)
Source: Zamboanga del Norte Police Provincial Office