Nagtipon-tipon ang mga personahe sa Liloy District Jail, ubos sa liderato ni Jail Warden JCI Nsp Arvin Dan R. Aguirre ug Deputy Jail Warden JCI Nsp Ricky C. Anito, aron selebraron ang Year-End Thanksgiving nga puno sa inspirasyon ug pasalamat.
Dili lang kini usa ka ordinaryong selebrasyon, kondili usa ka oportunidad aron mahinumduman ang mga hagit nga nalabyan, mga kalampusan nga naangkon, ug mga leksyon sa tuig 2025. Ang mga mensahe nga gipanghatag nagpasiugda sa pagkahiusa, pagtinabangay, ug pagpalig-on sa katuyoan sa prisohan.
Ang maong kalihokan nagpalig-on sa relasyon sa mga personahe ug naghatag og bag-ong kusog para sa mas produktibo, malipayon, ug makahuluganon nga tuig sa unahan. Usa kini ka pahimangno nga pinaagi sa pagkahiusa ug kolaborasyon, bisan unsang hagit masulbad ug ang kalampusan mahimong maabot.(IKEN B. GULLEM)
Source: Liloy District Jail-Bjmpr9