Nagpahigayon og bloodletting activity ang Zamboanga del Norte Police Provincial Office sa Hamac, Sicayab sa Dipolog City niadtong Huwebes, Marso 12, 2026, isip kabahin sa pagtabang sa mga pasyente nga nanginahanglan og dugo ug sa pagpalig-on sa kahimsog sa komunidad.
Gipangunahan ni Police Colonel Reydante Ariza, Provincial Director, ang kalihokan uban sa kooperasyon sa Dr. Jose Rizal Memorial Hospital, diin gi-accommodate ang mga donor sa medical team nga gipangulohan ni Dr. Carl Christian V. Donnaire, Medical Specialist II, uban sa uban pang medical personnel.
Gihimo ang bloodletting isip boluntaryong pagdonar og dugo aron makatabang sa mga pasyente sa mga ospital nga nagkinahanglan niini.
Subay usab kini sa selebrasyon sa National Women’s Month 2026 nga nagtumong sa pagpalig-on sa mga programa alang sa komunidad.
News and photo by: JENIFFER JR. DELICA