Mipagawas og report ang Zamboanga Del Norte Provincial Police Office kon (ZNPPO) nga gipangunahan ni Provincial Director Col. Rainier P. Diaz kabahin sa Peace and Order update sa 1st Quarter sa tuig 2024, kumpara sa 1st Quarter ning kasamtangang tuig 2025, pinaagi ni Pltcol. Roselily N. Baguio DPDO, atol sa gipahigayon nga 1st Quarter Provincial Task Force to End Local Communist Armed Conflict kon (PTF-ELCAC) 2nd Quarter Joint Provincial Peace and Order Council (PPOC) Provincial Anti-Drug Abuse Council (PADAC) ug Provincial Development Council (PDC) meeting, nga gipangunahan mismo sa Gobernadora ning Probinsiya, Hon. Rosalina (nanay nene) G. Jalosjos, niadtong abril 03, 2025 sa may alas 9:00 sa buntag, didto sa Zamboanga Del Norte Convention and exhibition Center, sa Barangay Estaka, ning dakbayan sa Dipolog.
Base sa pahayag nga giluwatan ni Pltcol. Baguio, ang Probinsiya sa Zamboanga del Norte sa kasamtangan, nakasinati og significant and sustained period of peace, diin ang comparative crime incident sa kasamtangang record of index crime, anaa lamang sa 66 incidents ug kini miubos ngadto sa 32 incident’s kon 32.65% kumpara sa susamang quarter sa milabay nga tuig nga nakatala og 98 incidents. Lakip usab nga gibutyag ni Pltcol. Baguio ang index crime sa 8 focus crime, nga gilangkuban sa Murder, Homicide, Rape, Physical Injury, ug ang Crime Against Property, sama sa Robbery, Theft, Carnappimg of Motor Cycle, ug Motor Vehicle.
Dugang pa niini, miubos usab ang datos sa non-index crime, diin sa kasamtangan naka tala lamang og 274, kumpara kaniadtong nakalabay’ng tuig sa susamang period, nga nakatala og 292 ka kaso, ug mao matud pa kini ang nahimong resulta sa ilang gipahigayon nga preventive measures, lakip usab sa non-index crime ang pagpatuman sa mga special law’s ama sa RA 9165 kon comprehensive dangerous drug’s act of 2002 ug ang RA 10643 kon anti-illegal gambling.
Sa padayon pa nga pagsaysay niini, gibutyag usab nga lakip sa miubos ang resyo sa vehicular incident, nga naka tala lamang og 16 o 7.58% gikan sa 211 downn to 100 incident’s, diin sa kinatibuk-an, miubos ang total vehicular incidents ngadto sa 66 o 10.98% gikan sa 601 down to 535 incident’s. Maingon man ang index crime sa 8 focus crime, miubos ang resyo sa Robbery ngadto sa 81.8%, Murder 33.33%, Physical Injury 9.52%, Rape 46.88%, ug ang Theft 19.04%, bisan paman matud pa sa ilang pagpaningkamot, mitaas ang resyo sa Homicide Incident’s ngadto sa 25%, ug ang Carnapping sa Motor Cycle Incident’s walay kausaban sa kinatibuk-an, ang 8 focus Crime Incident ning Probinsiya miubos ngadto sa 31 incident’s kon 31.96% .
Tungod niini matud pa, ang resulta sa mga datos nakahatag og positive progress sa pagmentinar sa Peace and Order dinhi sa tibuok Probinsiya sa Zamboanga Del Norte.(Angelica T. Obina)
Source: Prov. Information Center Zamboanga del Norte(PIC)- Julius Esmade