Gipakita sa Zamboanga del Norte Maritime Police Station (ZDN MARPSTA) ang aktibong suporta sa pagpanalipod sa kadagatan pinaagi sa sunod-sunod nga environmental activities sa Dipolog ug Dapitan City,niadtong Setyembre 15, 2026.
Gitambongan sa mga personnel sa ZDN MARPSTA sa coastal clean-up sa Barangay Olingan, Dipolog City, diin gitangtang ang mga basura ug sagbot nga nakit-an sa daplin sa baybayon.
Dili lang kutob sa pagpanglimpyo ang ilang partisipasyon, tungod kay niadtong Setyembre 16, misalmot usab ang mga personnel sa mangrove planting activity sa Barangay Tag-Ulo, Dapitan City.
Pinaagi sa pagtanom og bakhaw, gihatagan og gibug-aton ang papel niini sa pagpanalipod sa baybayon batok sa pagbanlas, paghimo og puy-anan sa nagkalain-laing marine species ug pagpalig-on sa coastal ecosystem.
Ang duha ka kalihokan gihimo isip kabahin sa suporta sa MANA MO 2026, samtang gidasig usab ang publiko nga mahimong aktibong kauban sa pag-atiman sa kadagatan ug mga kahinguhaan sa baybayon.
Gipadayag sa ZDN MARPSTA nga ang ilang responsibilidad dili lamang kutob sa maritime law enforcement, apan naglakip usab sa pagtabang sa pagpreserbar sa marine environment ug pagserbisyo sa komunidad.(MEDALYN U. BORJA)
Source: PNP Zamanboange Del NorteMaritime Police Station