Mitunol og dakong hinabang ang mga opisyal sa Zamboanga del Norte ngadto sa Lalawigan sa Cebu, lakip ang ₱200,000 gikan sa Dapitan City, ₱300,000 gikan sa Dipolog City, ug duha ka truck nga nagkarga og relief goods para sa mga pamilya nga naapektuhan sa bag-ong kalamidad.
Gipangulohan sa mga mayor ang personal nga pag-abot sa tabang, nga gidayeg ni Governor Pamela Baricuatro. Iyang gipasalamatan ang ilang oras, presensya, ug pagpakabana nga naghatag og kadasig sa mga biktima sa kalisdanan.
Nagpabiling mapasalamaton ang probinsya sa maong panabang, nga nagpakita nga sa panahon sa kalisod, aduna gihapoy mga kaabag nga andam motabang.(JENIFFER JR. DELICA)
Photo Courtesy: Bam Baricuatro-The People’s Governor
